Galicia rexistra en outubro un incremento do paro de 11.589 persoas

O incremento interanual do paro en Galicia é 2,5 veces inferior á media estatal
No décimo mes do ano houbo 1.467 contratos menos sobre setembro, aínda que o 10,78% dos contratos foron indefinidos
Galicia recortou en 2,24 puntos, un 27%, a súa participación no conxunto do paro estatal dende xuño de 2005

Santiago, 4 de novembro de 2008.- A Comunidade galega rexistrou no mes de outubro de 2008 un aumento do paro de 11.589 persoas, segundo os datos do Servizo Público de Emprego feitos públicos hoxe polo Ministerio de Traballo e Asuntos Sociais. O incremento porcentual respecto do mes anterior foi dun 7,39%.
O número total de parados rexistrados en outubro de 2008 é de 168.423 persoas, das que un 9,9% son menores de 25 anos e un 58,9% mulleres. En relación con outubro de 2007 increméntase o paro rexistrado en 22.052 demandantes (un 15,07%).
A media estatal de incremento neste período é dun 37,56%, polo que Galicia é a segunda comunidade autónoma con menor incremento do paro en termos relativos. A subida rexistrada en Galicia é, ademais, 2,5 veces inferior á media estatal.
A media dos últimos 12 meses de paro rexistrado é de 157.261 persoas. O promedio dos últimos 12 meses tense reducido dende outubro de 2004 en 19.922 demandantes, dos que 8.074 son menores de 25 anos e 12.062 mulleres.

Se queres ler máis http://novas.xunta.es/node/12318